Boholic

营业中

休息中

餐厅：Boholic地点：长沙湾福华街菜式：多国菜餐牌：午餐餐牌有13款拣，有沙律，意粉，饭，汉堡，牛扒等等，非常多选择，包是日餐汤同自家制酸种包，仲有水果茶，升级其他餐饮就半价。餐牌仲有甜品同小食等。是日餐汤系蘑菇忌廉汤，上面加左少少忌廉拉花。蘑菇忌廉汤饮落滑溜，忌廉唔会太多，唔腻。自家制酸种包烤得香脆，味道酸酸地。香煎挪威三文鱼柳配法式香橙姜汁 $138 另加一香煎挪威三文鱼柳唔算大或者厚肉，不过煎得脆皮香口，味道系好香盐味，配另上既法式香橙姜汁简直一流，个汁酸酸甜甜又带姜味，好夹又开胃。伴有新薯一开二。蔬菜有意式黄瓜三片同车厘茄三粒，面头再加上菜苗同洋葱片。士多啤梨牛油果Smoothie 加$26 另加一士多啤梨牛油果Smoothie大大杯，系淡淡牛油果味加微微士多啤梨味，上面仲有大pat忌廉加士多啤梨果酱，仲有片薄荷叶，味道唔太甜。总括而言，今餐食物饮品唔错。餐厅装修走波希米亚风，选用白色为主调，装修同室内挂饰都好靓，打卡都好正。