Shelter Cafe

营业中

休息中

朋友约星期六喺柴湾食晏，记得book mark咗几间喺工厂区，再睇睇只有呢度星期六有营业，我哋大约一点半左右到，喺走廊已经闻到好香，入到店海景位四张枱已坐满食客，另外有两张大枱，三张四人枱，仲有一张二人枱，可能人手问题，除咗有客嘅枱，其他嘅都系食饱走咗但仲未执嘅枱，我哋唯有边等边睇住黑板嘅餐牌谂吓食咩，啲字好靓，呢个格式睇得好舒服男店员由厨房出嚟送餐后，我哋同佢讲两位，佢话即刻执好张四人枱比我哋，放好餐具同我哋讲QR Code落单，可以手机付款或柜枱俾现金。到男店员送上饮品见到我哋将啲嘢食左砌右砌，佢话哦！要影相我入去睇吓个菇应该差唔多得，唔该晒佢🙏🏻，我哋先可以影到呢张大合照之余，啲嘢食唔会冻哂。沙律～沙律菜新鲜爽脆配上黑醋酱，酸酸甜甜好醒胃温泉蛋白腐乳鲜虾意粉～食到白汁嘅口感带淡淡腐乳嘅香味，虾肉爽口，唔会有腬咁感觉芝士焗大啡菇～芝士同大啡菇真系好夹嘅配搭纽西兰牛肉芝士汉堡伴薯角（黑松露酱）～牛肉厚同好Juicy，薯角伴黑松露酱冇得输红菜头柠檬西柚苹果汁～必点！好饮到爆环境，食物同服务都好好唯一系食饱行出餐厅，衫有啲油烟味，希望改善通风系统或放支衣物香薰喷雾。