影片
更多
2024-01-26
152 浏览
📍TOKYOLIMA 🥢中环摆花街18-20号嘉宝商业大厦地舖-----一向都系Pirata group嘅Super Fans，呢间中环好出名嘅日式秘鲁菜，系少有嘅一间我虎视眈眈咗好耐，但又未去过嘅Pirata旗下餐厅。一如佢其他旗下嘅餐厅，餐厅装潢非常有设计感，有少少似佢另外一间印度餐厅Chaiwala嘅装修风格，要先经过酒吧部份，再行到餐厅嘅用餐位置。😋Tasting Menu ($540/per head)-H&M2🐟所谓嘅H&M其实就系Hamachi & Maguro，油甘鱼鱼身油分非常高，鲷鱼就相对清爽，加上质感比牛奶浓稠些许的酪浆（buttermilk)及柠檬、柑橘油等等，入口鲜甜非常。食之前侍应仲会喷上白桦树香水，令客人获得味觉体验之前，嗅觉就先得以享受一番。-CEVICHE AROMATICO🌽呢道沙律同样系以刺身为主角，里面有鲈鱼、牛油生菜、番薯、芫荽及脆粟米等等，混合自家调制嘅奶滑tiger‘s milk sauce，食落颇开胃，食之前同样系会喷上香水，不过今次就系清新嘅柠檬香水，配搭返成个菜式嘅主题。-LA CAUSA🍤呢款日式大虾天妇罗混合左传统嘅秘鲁菜特色，加
🥢中环摆花街18-20号嘉宝商业大厦地舖
-----
一向都系Pirata group嘅Super Fans，呢间中环好出名嘅日式秘鲁菜，系少有嘅一间我虎视眈眈咗好耐，但又未去过嘅Pirata旗下餐厅。一如佢其他旗下嘅餐厅，餐厅装潢非常有设计感，有少少似佢另外一间印度餐厅Chaiwala嘅装修风格，要先经过酒吧部份，再行到餐厅嘅用餐位置。
😋Tasting Menu ($540/per head)
-H&M2🐟
所谓嘅H&M其实就系Hamachi & Maguro，油甘鱼鱼身油分非常高，鲷鱼就相对清爽，加上质感比牛奶浓稠些许的酪浆（buttermilk)及柠檬、柑橘油等等，入口鲜甜非常。食之前侍应仲会喷上白桦树香水，令客人获得味觉体验之前，嗅觉就先得以享受一番。
-CEVICHE AROMATICO🌽
呢道沙律同样系以刺身为主角，里面有鲈鱼、牛油生菜、番薯、芫荽及脆粟米等等，混合自家调制嘅奶滑tiger‘s milk sauce，食落颇开胃，食之前同样系会喷上香水，不过今次就系清新嘅柠檬香水，配搭返成个菜式嘅主题。
-LA CAUSA🍤
呢款日式大虾天妇罗混合左传统嘅秘鲁菜特色，加入咗红菜头、大虾他他、辣椒蛋黄酱同埋烤牛油果等等，貌相精致之余，味道亦同样好有特色，酸酸甜甜中带点辣。
-T-3 🥗
呢个系食落去有三种唔同质地嘅沙律，里面嘅材料非常丰富，例如有南瓜、各式沙律菜、鹌鹑蛋、车厘茄、小茴香、杏仁同蔬菜脆条等。一堆搭配得别出心裁嘅食材，之前从来都未食过嘅配搭，入口却是出奇地合拍及令人上瘾。
-YAKI NASU 🍆
切成一半嚟烤嘅珍宝茄子，入口非常湿润多汁，表面洒上以红辣椒同蒜泥制成嘅哈里萨辣酱调味，加上脆粟米、芫荽同埋feta cheese等等，入口令人觉得满足度唔输食肉。
-ERYNGII MAKT
是晚嘅飞佛，材料望落其实一啲都唔复杂，但系用嘅材料都质素好好，牛油果🥑奶绿幼滑、烤帝王菇带有香香甜甜嘅酱油香气，加上味增南瓜泥、南瓜籽同青瓜丝，温婉嘅味道配搭，令味蕾感觉好舒服。
-TACU TACU🧅
秘鲁传统嘅拌饭，糅合咗炒雪豆、洋葱、红黄彩椒等等，炒得干爽唔油腻，食落有绵密嘅豆泥感之余又带有少许富咬口嘅颗粒感。
-GOD PACKAGE 🐟
用叶包上黎烤制嘅鳕鱼卷，均匀受热下令鱼肉带有慢煮嘅效果，质感分外嫩滑，加入鹰嘴豆泥及腌洋葱调味，辣辣地有少少似咖喱鱼嘅感觉。
-KUSHIYAKI 🍢
呢款传统嘅法式炖菜味道亦不错，调味唔会过于复杂，食嘅就系本身高质食材嘅新鲜味道，烤西葫芦、茄子，加上酸味非常突出嘅番茄，香甜多汁，而且几解腻。
-MY BANANA🍌
作为整餐嘅收结，份量感十足！焦糖香蕉搭配肉桂味嘅雪糕、加上粒粒烤苹果及奶油糖浆，邪恶、浓郁之余，亦甜得有层次感。
张贴
