Boring?! (黃埔天地美食坊) (已結業)

晚餐餐汤有鲜蚝周打汤🥣啖啖饮到蚝肉打出黎，好浓好好饮。另一个焗酥皮龙虾汤🥣最钟意饮酥皮汤，酥皮焗到好脆身，龙虾汤又浓夹埋好正。前菜有西班牙辣肉肠蒜片青柠鲜鲍鱼🍴完全食到鲜甜味，加左酱汁好好味😋。另一个脆炸法式香草田螺伴莳萝蜜糖蛋黄酱🍴脆脆地嘅田螺咬落口感好特别，小食一流。主菜有炭烧海鲜拼盘🍽琵琶虾半只：啖啖肉好好味😋矶烧鲍鱼：好鲜甜呀😋鱿鱼、青口、海鱼，海鲜真系食极唔会厌。另一个罗勒嫩菠菜珍宝带子阔条面：大大粒带子，菠菜汁配阔条面真系好夹。甜品有开心果雪糕🍦真系好出色，好浓开心果味，啖啖都咬到👍🏻配千层蛋糕，好完美。