影片
更多
2012-11-29
43 浏览
The One有几间target餐厅想试，第一站系呢度。装修得几有风格，环境舒适，木餐桌感觉好warm。加上人少，乐得清净。跟餐Caesar Salad生菜爽脆新鲜，每片生菜都均匀地沾上沙律酱，面包糠香脆，不错。Full/half Canapes（crabmeats tart／slow-cooked salmoncube／goat's cheese biscotti／parma ham with rocket leaves & marinated olives）（蟹肉批，慢煮三文鱼，羊奶芝士，风干火腿，酸橄榄）蟹肉批嘅蟹肉味突出，而且批底松脆，有牛油味，不错！几特别，用个玻璃罐装住三文鱼。慢煮三文鱼真系好食啲㖞，每粒三文鱼都好肥美鲜甜，仲有种入口即溶嘅感觉，浸在微酸嘅酱汁中好入味，正！至于羊奶芝士多士，芝士无乜羊奶味，味道普通。而芝士下嘅biscotti略硬，但都可以接受。风干火腿火箭菜卷都好味。风干火腿公整地包著沾上醋汁嘅火箭菜，前者味道咸香，后者则因为沾上少许醋汁食落酸酸地无咁寡。由于食完三文鱼剩咗啲酱汁，我索性呢个卷浸落个汁度，仲好食，无咁干。Tiramisu樽仔形出场嘅Tira
装修得几有风格，环境舒适，木餐桌感觉好warm。
加上人少，乐得清净。
跟餐Caesar Salad
生菜爽脆新鲜，每片生菜都均匀地沾上沙律酱，面包糠香脆，不错。Full/half Canapes
（crabmeats tart／slow-cooked salmoncube／goat's cheese biscotti／parma ham with rocket leaves & marinated olives）
（蟹肉批，慢煮三文鱼，羊奶芝士，风干火腿，酸橄榄）
蟹肉批嘅蟹肉味突出，而且批底松脆，有牛油味，不错！
几特别，用个玻璃罐装住三文鱼。慢煮三文鱼真系好食啲㖞，每粒三文鱼都好肥美鲜甜，仲有种入口即溶嘅感觉，浸在微酸嘅酱汁中好入味，正！
至于羊奶芝士多士，芝士无乜羊奶味，味道普通。
而芝士下嘅biscotti略硬，但都可以接受。
风干火腿火箭菜卷都好味。风干火腿公整地包著沾上醋汁嘅火箭菜，前者味道咸香，后者则因为沾上少许醋汁食落酸酸地无咁寡。
由于食完三文鱼剩咗啲酱汁，我索性呢个卷浸落个汁度，仲好食，无咁干。
Tiramisu
樽仔形出场嘅Tiramisu好别致，如果take away要收好贵，堂食就40蚊。
Mascarpone cheese香甜，口感轻软幼滑，唔错。但食到落去就发现问题了。
浸咗咖啡既lady fingers太湿了，咖啡液过多，樽底水汪汪，好稀；
酒味淡薄，俾咖啡味盖过了。
只系卖相取胜嘅Tiramisu罢了。
对呢度嘅Brunch感觉不错，下次可以试吓呢度嘅Set Lunch同埋dessert。
张贴
