반찬앤쿡 Banchan and Cook (東薈城名店倉)

营业中

休息中

餐厅内外有好多BT21打卡位，Fans一定唔可以错过。一坐低见到Magic menu上嘅食物同饮品都好可爱，当然要叫晒佢哋啦！芝士炸猪扒魔法蛋包饭，有两件切开咗嘅芝士炸猪扒，最正系外层炸得香脆，中间嘅芝士系流心，咖喱汁味道适中唔会太辣，配埋滑蛋奄列一齐食，有多重层次！另外再加咗巴马火腿卡邦尼年糕，年糕形状唔系平时见𠮶只，都系烟烟韧韧，卡邦尼酱汁芝士味香浓。朱古力魔法甜点有朱古力卷蛋同Tiramisu croffle, 朱古力卷蛋入边嘅朱古力mouse几香浓，而tiramisu嘅芝士亦都好香滑, croffle够松脆。饮品就有魔幻星空蝶豆花苏打，颜色真系好靓，入边仲有超多蓝莓爆珠，饮落口感好得意。朋友叫咗杯溶化朱古力，味道唔系太甜，正常朱古力奶味道。