Bubble Tree (成業工業大廈)

营业中

休息中

观塘工厦多嘢食，朋友知道 Bubble Tree 有飞驒牛汉堡，即刻话想黎试。星期日 lunch time 时间黎到，餐厅地方唔算好大，但就座无虚席，真系好多人光顾。疯狂起司日本飞驒牛汉堡  $98转配酥炸洋葱圈  +$8， 配冻柠茶  +$6最钟意食洋葱圈，所以将跟餐嘅炸薯条转左洋葱圈。热辣辣嘅洋葱圈炸得酥脆香口。面包有用牛油烘过，好香口。飞驒牛汉堡好厚身，咬落充满肉汁。配上超厚水牛芝士同新鲜蕃茄同生菜，劲足料。日本飞驒牛汉堡滑蛋盖铁板拌饭 $89半溶芝士布满飞驒牛汉堡面，加上嫰滑滑蛋，卖相相当吸引。飞驒牛汉堡两边煎得焦香，咬落好Juicy，而且口腔充满油脂香味。滑蛋包饭配上大量甜粟米同烧汁，拌饭一流。套餐已包餐汤同饮品，真系好抵食。餐饮可选择：柠檬茶、柠檬水、可乐。餐汤有3款选择：南瓜汤、紫薯汤、蕃茄甘笋汤。未试过紫薯汤，所以试一试。紫薯汤入口满满紫薯蓉，而且好细滑，味道香甜。朱古力心太软配雪糕  +$32心太软唔太甜，朱古力都几浓，可惜焗得耐左少少，无流心效果。雪糕系云呢拿味，配上微暖且松软嘅蛋糕，一冷一热，口感一流。