IS Café (已結業)

被限聚令饿左咁耐，终于等到放宽的一日，可以四人饭聚。约埋另一对相熟的夫妇，一行四人浩浩荡荡地享受美食去。我哋拣咗位于香港仔的南湾如心酒店，贪呢度唔算旺区，人流冇咁密集。而且酒店食饭，卫生环境等等都有保障。一入门口已经令人感觉好舒适。入内果然好阔落，环境好舒适。我哋好好彩可以有一个私人嘅独立空间，可以好放心又舒服咁倾计。酒店防疫措施都做得几足，每台都有消毒湿纸巾同埋一支全新的搓手液。至于放啲食物的区域，每个取食物嘅人都有带口罩，令佢更放心。而且每一样食物都有盖遮好，感觉上卫生一点。行咗一圈，整体而言，食物的选择都多元化，各国美食都有。最受大家瞩目的海鲜盘，没有惊艳，但都有齐基本元素。令一边系厨师即席炮制嘅美食，除咗有日式寿司刺身之外，亦有炸天妇罗同埋烧烤区域。我好钟意即席做的炸天妇罗，唔会有油腻嘅感觉。饮品的选择都有好多。有一样令我印象深刻的是呢度都有唔少地道的特色小食，几有心思。我最钟意煮溶化的猪手，而最惊喜就系咖喱特大鱼蛋。至于主菜，可以拣花胶扣鹅掌或者开边焗龙虾，我同老公就决定一人拣一款，可以试晒两种滋味。两样嘢来讲，我比较钟意花胶，入哂味。最后甜品环节，选择都颇多，但胃部空间有限