影片
更多
2010-07-09
63 浏览
4-7-2010唔讲唔知, 原来阿妈好钟意呢间 buono nuobo, 是日竟然提议到乐富新 UNY 的分店食 dinner 对心太软印象不错 (http://www.openrice.com/restaurant/commentdetail.htm?commentid=1941036), 其他嘢就完全未食过, 不过呢度始终系 Pokka Cafe 开出来的, 嚟之前都唔抱太大期望 (点解: http://www.openrice.com/restaurant/commentdetail.htm?commentid=2075932); 亦好在无乜期望的来, 亦无乜失望的离开:-叫了一碟 pasta 独食, 好似叫咩「忌廉汁蚬肉扁意粉」: linguine 虽然唔系 "al dente", 不过食落滑溜又几有咬口, 一贯日式意粉 style, 都不错; 蚬仔份量不少, 食落唔算好鲜甜, 不过比预期中嫩滑得多了, 算系咁; 不过「忌廉汁」水汪汪到呢 , 叫「淡味牛奶汤」会比较贴切. 其他配料仲有少量菠菜及「刨」落去的 Parmesan 芝士, 不过各自各又唔多精彩, 帮助不大.屋
唔讲唔知, 原来阿妈好钟意呢间 buono nuobo, 是日竟然提议到乐富新 UNY 的分店食 dinner 对心太软印象不错 (http://www.openrice.com/restaurant/commentdetail.htm?commentid=1941036), 其他嘢就完全未食过, 不过呢度始终系 Pokka Cafe 开出来的, 嚟之前都唔抱太大期望 (点解: http://www.openrice.com/restaurant/commentdetail.htm?commentid=2075932); 亦好在无乜期望的来, 亦无乜失望的离开:-
叫了一碟 pasta 独食, 好似叫咩「忌廉汁蚬肉扁意粉」: linguine 虽然唔系 "al dente", 不过食落滑溜又几有咬口, 一贯日式意粉 style, 都不错; 蚬仔份量不少, 食落唔算好鲜甜, 不过比预期中嫩滑得多了, 算系咁; 不过「忌廉汁」水汪汪到呢 , 叫「淡味牛奶汤」会比较贴切. 其他配料仲有少量菠菜及「刨」落去的 Parmesan 芝士, 不过各自各又唔多精彩, 帮助不大.
屋企人就叫了个鳕场蟹 pizza,「石烧鲜虾帆立贝墨汁饭」及一个牛扒 + 鸡扒的 set dinner share 食:-
石锅饭 serve 时热到喷晒烟 (见图!), 闻落好香, 食落亦香口, 沾满墨鱼汁的饭粒湿润得来又唔会软挞挞, 食落够香又几鲜甜, 又几好食; 虾及带子似系急冻货色, 无试了, 不过屋企人好似都几满意, 最后亦清晒成锅饭, 应该都不错吧.
Pizza 饼底薄如 water biscuit, 边位带脆, 有馅喺面的部分就同预期中一样较湿及「支撑唔住」, 食两啖 pizza 就「解体」了 不过馅料芝味算香, 亦的确有实实在在又几鲜甜的蟹肉, 平平哋算系咁吧.
Set dinner 可跟意粉, 亦有三文鱼沙律, 忌廉蕃茄汤及饮品一杯, 不过卖相麻麻哋吸引, 最后亦全由细佬包办, 唔知好唔好食?
甜品就 order 了一客荔枝 panna cotta 及 2 份 () chocolate pudding share 食... 前者卖相「一 pat pat」唔太讨好, 不过食落几有奶味亦有荔枝香, 都 ok 的; 而面头的 3 粒嘢食落又似荔枝又似红毛丹 , 但 in any event 当然系浸了糖水的罐头货色, 可以不理.
呢度的 chocolate pudding 系阿妈至爱, 呢日的亦做得不错 -- 够热够软心 (其实唔明点解咁多人觉得「流」心先叫好食?), 蛋糕带点湿润, 朱古力味够浓又香甜, 配上冻冻的 vanilla 雪糕, 又点会唔好食?
另散叫了一杯 Pokka Special Blend 咖啡 -- 够香, 斋饮唔太苦但够浓, 落糖落 cream 后就又香又滑, 几喜欢.
食物比 Pokka 好少少, 不过配套就差得远了, 店员们礼貌系有的, 不过搞乱了唔少 order 又有点鸡手鸭脚, 新店关系未 settle down?
埋单每人约 $175, 自己未必会再来, 不过甜食 ok 的, 而且屋企人食得开心就得啦, 间中嚟吓都 ok 的.
张贴
