bs burger house (已搬遷) 新店位置

原本在德民街有一间Wings to Go，d汉堡包都唔错，可惜已经执咗。见到新开咗bs Burger，就趁今个周末试吓。在红磡区，舖面细细的食肆比目皆是，而bs是新店关系，就算舖面细，但都装修得几光猛。讲番食物，餐牌好简单，我们一行三人分别叫咗：招牌汉堡＋炸洋葱圈＋罐装忌廉照烧鸡汉堡＋薯条＋罐装可乐田园汉堡即叫即整，先来了饮品，然后炸洋葱圈也上枱。数一数有五条，以$12一客来计，都算贵。虽然佢真系用洋葱圈（不会像麦记用碎洋葱调成浆再炸），但浆粉好厚吓，都吃唔到洋葱味。当我们扫清后，照烧鸡汉堡餐就来了。鸡扒咬落有好多肉汁，不过照烧酱唔够多。薯条就炸得太油，有些更㶶咗。至于田园汉堡，都算好味。等到最后，招牌汉堡终于到了，味道都唔错。总数加埋才$88，比Mos Burger平，也比麦记好食。但平心而论，我宁愿去时新食，平好多又好食。