The Roundhouse Taproom (已結業)

中环Soho区周围都系酒吧，花多眼乱，有时候都唔知点拣。但系有啲小店其实好有惊喜，就好似今日嚟到呢间roundhouse taproom咁。虽然佢唔系喺正斜路最旺嘅区域，但系啲食物同饮品系绝对有质素！呢度有卖港产手工啤，梗系要支持下本土嘢啦！今次就试一只叫Hazy Pale Ale嘅手工啤，饮落超香果味，类似热情果咁嘅味，又唔苦又唔算高酒精浓度，酒量唔高但又想饮嘅又或者女士饮都好适合！除咗手工啤呢度嘅食物都非常好。店员会好贴心咁提醒客人有啲食物嘅份量比较大未必适合两个人叫，所以今次我就净系叫咗一个Big Boy Burger，一份水牛鸡翼同埋一份Crispy Bacon。个Burger绝对系满分！汉堡扒热辣多汁，啖啖肉大满足！至于鸡翼其实有几只味拣，今次食呢个水牛鸡翼就非常惹味，但系唔食得辣嘅朋友就可能要拣其他味道啦！个烟肉都烤得非常香口（挂住食唔记得影靓相），如果只系嚟饮杯酒吹下水，叫来做小食送酒啱晒。每个小食旁边都会有啲西芹同萝卜同一个凯撒沙律汁，可以当清新口腔去食其他嘢。总括来讲算系一间好高质嘅酒吧餐厅！