Burgerman (埃華街)

营业中

休息中

继续屋企附近揾💛嘢食系列😋Weekend颓颓哋，瞓到好晏先起身，所以系咁意，拣咗唔系咁heavy嘅burger小店食个晏少少既lunch。虽然间铺头细细间，都有几张吧枱俾人坐低食。由于我哋唔系太肚饿，所以只系嗌咗一个水牛城鸡肉汉堡同辣肉肠意粉。店员仲好贴心咁，帮我地量体温个阵提醒记得食嘢个阵先好除口罩，防疫意识够👍🏻👍🏻抵赞！舖头入面仲有买埋酒精搓手液同埋即弃手套，咁就安心，人又健康😀😀等咗一阵就有嘢食，汉堡嘅外皮焗得好松脆，啲酱汁辣辣地。最特别系佢入面嘅蓝芝士，因为我唔系好食得辣，好彩有个酸酸地蓝芝士，中和晒入边嘅辣味，而且食都食得开胃啲。😛另外个辣肉肠意粉好juicy，劲多肉肠够晒足料，而且啲酱汁多到唔驶钱咁，一啲都唔孤寒。不过个肉肠真系有少少辣，建议大家唔食得辣野，最好就配埋嘢饮呀。如果晏起身，想食个💛下午茶，系一个唔错嘅选择。