MOS Burger (東廣場)

营业中

休息中

🍔🥞🇯🇵Burger店玩埋班戟？！✅北海道牛油疏乎厘班戟-$38行过见到出咗新嘢，张相仲咁吸引，于是就去试吓。大约等咗10分钟，终于见到真身，同张相嘅的确系差唔多，但系放喺面嘅牛油得好少同埋已经溶咗，整体牛油味唔够香浓。虽然枫糖浆会另外上俾你自己倒落去，不过倒晒落去嘅话都会流晒去中间，之后好快索晒，变左得中间有味。其实比起pancake佢有啲似个海绵蛋糕，虽然软熟，但吾会好滑，亦都吾流心，如果有太高嘅期望就会失望，但系平平哋都可以一试。✅海鲜珍珠堡 -$31平时食MOS Burger最钟意就系食佢嘅饭堡，唔系间间汉堡包店都有，比较特别。呢度嘅饭堡皮煎香左，脆脆地又唔容易散开，珍珠米索咗入面嘅黑椒汁真系好好味😋而海鲜天妇罗炸过，而且好足料，有弹牙嘅小扇贝、爽口嘅红萝卜丝、及洋葱丝等配料，配埋秘制嘅酱汁真系好夹。