Homy Cafe (已結業)

早排上华山（当然唔系论剑🤣），落山后，玩埋坪𪨶壁画村，最后去到上水觅食，结果揾到呢间以汉堡包为主打嘅 cafe，当然要叫个自家芝士牛肉汉堡配薯条。对呢个 burger 印象最深刻嘅居然唔系块汉堡扒而系配菜，因为入面嘅洋葱实在太好食，微辣超甜；蕃茄都好正，又甜又 juicy，食得出好新鲜😍；至于主角汉堡扒其实都高汁，既厚身牛味亦浓，如果煎得稍为冇咁干身就 perfect。黑松露忌廉杂菌意大利饭都算大碟，黑松露味颇突出，几种菇菇好好味，意大利饭好 creamy，调味恰当，唯一系饭粒略嫌稍腍，口感争咗少少。