Fratelli Restaurant (已結業)

放工同同事落观塘工业区揾食，拣咗主打汉堡既楼上餐厅。店员斯文有礼，环境舒适卫生，最中意餐厅卡位，非常阔落，坐得好舒服，同朋友倾计一流。Fratelli Burger $138 (餐饮+$10)汉堡款式多，我地拣咗Fratelli Burger，配料有双层安格斯牛肉+双层车打芝士+烟肉+煎蛋+蕃茄+生菜，卖相一流，牛肉打成既汉堡扒很厚身，而且肉汁四溢，juicy又美味；跟碟既薯条，热辣辣，外脆内软，同朋友都好中意食，另外，汉堡可额外再加配料。黑松露鸡肉什菌意大利饭 $78黑松露味超浓，黑松露控必点，啲饭软硬适中，好食。白桃乳酸 $38睇样都好吸引，有层次感，杯口吊住一旧桃肉，好甜，搅匀饮，够汽又酸酸地，极之透心凉，配汉堡一流行! 温馨提示：免加一，只收现金。