影片
更多
2021-12-15
182 浏览
今日午餐想食汉堡包，横掂系大角咀埃华街呢头，就去Burgerman食个汉堡包先。Burgerman既汉堡包有14款选择，价钱丰俭由人，由$58到$140不等。加$20可选配有皮薯条或薯格或田园沙律及罐装汽水。加$33可选配番薯条或洋葱圈或肉酱薯条及罐装汽水，又可加钱加汉堡配料。原来平日午市有套餐，有5款汉堡拣，可配田园沙律或有皮薯条同罐装汽水，抵食好多！今日决定要两个午市汉堡套餐。先去收银落单，然后服务员会去你个位送野食俾你。招牌芝士汉堡 $65 加烧大菇 $20招牌芝士汉堡都几大个，用一支大竹签固定好，我嘴细，只能分层食。枱上面有提供胶手套，方便。首先上面块包成块都好香脆，仲加左黑白芝麻粒。块包下面就系加钱要嘅烧大菇，虽然比想像中细左少少，不过食落爽甜多汁。烧大菇下面就系芝士同厚身和牛汉堡扒，再下面就系厚切番茄片同一大块生菜片。连最下底既面包都好香脆。块汉堡扒虽然全熟，不过都唔干，好多肉汁，我将汉堡扒同热熔芝士同烧大菇一齐食，大菇同汉堡扒又几夹。虽然简单，呢款招牌芝士汉堡都几出色。水牛城鸡肉汉堡 $62水牛城鸡肉汉堡上面块包原来加左辣酱，块包下面就系两块鸡胸肉，中间有超咸香嘅蓝芝士，
Burgerman既汉堡包有14款选择，价钱丰俭由人，由$58到$140不等。加$20可选配有皮薯条或薯格或田园沙律及罐装汽水。加$33可选配番薯条或洋葱圈或肉酱薯条及罐装汽水，又可加钱加汉堡配料。
原来平日午市有套餐，有5款汉堡拣，可配田园沙律或有皮薯条同罐装汽水，抵食好多！今日决定要两个午市汉堡套餐。先去收银落单，然后服务员会去你个位送野食俾你。
招牌芝士汉堡加烧大菇
$85
13 浏览
0 赞好
0 留言
招牌芝士汉堡 $65 加烧大菇 $20
招牌芝士汉堡都几大个，用一支大竹签固定好，我嘴细，只能分层食。枱上面有提供胶手套，方便。首先上面块包成块都好香脆，仲加左黑白芝麻粒。块包下面就系加钱要嘅烧大菇，虽然比想像中细左少少，不过食落爽甜多汁。烧大菇下面就系芝士同厚身和牛汉堡扒，再下面就系厚切番茄片同一大块生菜片。连最下底既面包都好香脆。块汉堡扒虽然全熟，不过都唔干，好多肉汁，我将汉堡扒同热熔芝士同烧大菇一齐食，大菇同汉堡扒又几夹。虽然简单，呢款招牌芝士汉堡都几出色。
水牛城鸡肉汉堡 $62
水牛城鸡肉汉堡上面块包原来加左辣酱，块包下面就系两块鸡胸肉，中间有超咸香嘅蓝芝士，再下面就系厚切番茄片同一大块生菜片。个人觉得呢款汉堡较为重口味少少，不过鸡胸肉无皮，好瘦，相对健康少少。
两款汉堡我地都配左有皮薯条。第一次食呢度嘅有皮薯条，系粗身薯条，热辣辣炸起，香脆可口，点枱上面有提供既茄汁好好味，仲有辣沙律酱比你自己倒。想叫走盐不过薯条一定系加左盐。特别一提呢度既酱汁好容易倒出黎。
罐装汽水有玉泉+C有气柠檬味饮品拣，少甜又多d维他命C，少见！
总括而言，招牌芝士汉堡都几好味，而午市套餐抵食好多！
张贴
