影片
更多
2020-01-15
20 浏览
好耐无食burger，今日就黎到位于朗豪坊12楼嘅Texas Burger。首先系被佢open area嘅餐厅设计所吸引，睇过佢嘅menu之后发现佢除左有好多特色同传统嘅美式汉堡之外，仲有多款tacos选择，真系花多眼乱。餐厅坐位唔算多，不过好宽敞疏化位好舒服。食物选择丰富，除左主餐牌外仲会有啲期间限定嘅菜式，不过既然系第一次黎到，就当然系试佢嘅主打菜先！烧龙虾熔岩芝士牛肉汉堡（限量供应）呢个汉堡外型系好传统嘅美式设计，丰厚嘅材料，被两片轻轻烘过嘅汉堡包夹住。旁边大大只龙虾头，唔好睇小佢，入面仲有些少虾膏！记得唔好晒！先讲配料嘅火箭菜同洋葱圈好鲜甜，配埋半溶嘅芝士同酱汁特别惹味。汉堡扒超juicy，腌制得刚刚好唔会咸，肉质都厚实唔散。龙虾肉外表煎到金黄仍然保持肉质弹牙，只系一齐食落口嘅话汉堡嘅味道就少少盖过龙虾味，不过整体味道层次丰富，好满足！水牛城炸鸡翼及棒棒鸡哩款棒棒鸡好好食，啖啖嫩滑嘅鸡肉，沾上特制黑松露芝士酱，有少少蓝芝士嘅咸香，好开胃，再加上佢外层唔油腻，两个人share岩岩好！Tacos墨西哥芝士夹饼 除左汉堡，哩度都有多款Tacos选择，今次就叫左软壳蟹同煎牛柳条。皮底可
餐厅坐位唔算多，不过好宽敞疏化位好舒服。食物选择丰富，除左主餐牌外仲会有啲期间限定嘅菜式，不过既然系第一次黎到，就当然系试佢嘅主打菜先！
烧龙虾熔岩芝士牛肉汉堡（限量供应）
呢个汉堡外型系好传统嘅美式设计，丰厚嘅材料，被两片轻轻烘过嘅汉堡包夹住。旁边大大只龙虾头，唔好睇小佢，入面仲有些少虾膏！记得唔好晒！先讲配料嘅火箭菜同洋葱圈好鲜甜，配埋半溶嘅芝士同酱汁特别惹味。汉堡扒超juicy，腌制得刚刚好唔会咸，肉质都厚实唔散。龙虾肉外表煎到金黄仍然保持肉质弹牙，只系一齐食落口嘅话汉堡嘅味道就少少盖过龙虾味，不过整体味道层次丰富，好满足！
水牛城炸鸡翼及棒棒鸡
哩款棒棒鸡好好食，啖啖嫩滑嘅鸡肉，沾上特制黑松露芝士酱，有少少蓝芝士嘅咸香，好开胃，再加上佢外层唔油腻，两个人share岩岩好！
Tacos墨西哥芝士夹饼
除左汉堡，哩度都有多款Tacos选择，今次就叫左软壳蟹同煎牛柳条。皮底可以选软或者脆皮，个人就钟意软皮多啲，可以更加索住啲酱汁。材料份量好饱满，软壳蟹大大只，牛柳条堆到满满，牛柳条唔干好多肉汁，软壳蟹即炸脆卜卜。建议唔想食得咁heavy嘅朋友仔可以点tacos，又系另一种美式风味！
最后我哋只系升级左最基本嘅套餐，期待下次试埋佢地嘅特色饮品！
张贴
