咖啡弄 (已結業)

当时喺咖啡弄结业前嘅早几日先得知呢个消息，即刻趁最后机会走去食多次，以后要去到台湾先有得食啦。多年以嚟，餐牌变化不大，虽然都有唔少嘅新家菜式。🌪Oreo沙冰Oreo味道香浓，甜度适中，沙冰打得幼滑，个人觉得半溶状态嘅时候最好饮。🌪冰鲜果茶由咖啡弄喺香港开业至今最钟意嘅饮品，出面揾唔番呢个味道，系我最钟意嘅水果茶，没有之一。🌪龙虾包面包烘到外表金黄，外脆内软，龙虾肉份量亦都唔少，肉质弹牙，食落淡淡滋味。🌪士多啤梨窝夫咖啡弄嘅窝夫一直走饱肚路线，唔系空气感𠮶种窝夫😂窝夫松软绵密，蛋味奶味同样香浓，配埋酸酸甜甜嘅士多啤梨酱，的确令人回味。🌪虽然食物质素仍然好食，但除咗价钱之外，之前一直唔想嚟嘅原因同员工有好大关系，服务差之余，就算店内多吉位都冇人执枱，唔入客，想做少啲嘅心态所有打工仔都有，但太明显都会令食客睇唔过眼。