Potluck Eatery

呢间餐厅都几热门，预早book 位都只系得返6:30 可以选择，限时90 分钟... 门口望落去一d 都唔似系餐厅，会以为系cafe，入到里面装修好简约，不过枱与枱之间无乜距离，感觉都几压迫。🍴牛油果酱蟹肉他他伴脆脆粒个摆盆好靓，见到已经加分，牛油果酱同蟹肉嘅味道好夹，蟹肉份量都几多，而面包脆粒整得好脆，夹埋一齐食系好好食嘅!🍴芝士菠菜龙虾蟹肉意粉卷有2 只龙虾钳放喺面，意粉卷里面就有好多蟹肉碎，个酱汁好重蕃茄味，红卜卜，味道偏酸，几醒胃，连埋芝士菠菜一齐食，唔会觉得好腻。