YOLO Cafe & Bar (已結業)

呢间系以一间bar形式既cafe, 装饰都系比较简单，夜晚食嘢嘅时候每一张枱都会一盏灯，另外Cafe入边会以唔同颜色嘅灯转动，气氛甚佳。佢有一个二人餐，但系我哋当晚就冇叫到散叫咗。因为佢散叫嘅款式都有好多，而且价钱都系相宜。慢煮温泉蛋卡邦尼意粉 - 意粉软硬度适中，酱汁都算比较多，加埋温泉蛋混合一齐，口感creamy 同埋浓郁。南瓜汤鲜芦笋蟹肉意粉 - 不得不提蟹肉份量都几足，而且南瓜汤渗入到意粉同埋芦笋入面，成个口感好Fresh。Yolo招牌鸡翼 （法式蜜糖芥末汁）- 蜜糖芥末汁包裹住每一只鸡翼，唔会过甜亦唔会遮左芥末嘅味道，鸡翼每一只都脆身，真系好好食。而且环境好舒服，价钱都合理，服务都到位，会再黎食👍🏻👍🏻