Half & Half (已結業)

听朋友猛咁推介呢间cafe，一直都好想试。今次黎到西营盘紧系要试下啦～餐厅装修简洁，以木系装修为主，令个个feel 好chill。而且每张台之间既距离唔近，坐得好舒服，仲有唔少得意既装饰，非常有心思。✨Philippines chocolate杯朱古力望落去个质感同平时饮开既唔一样，一入口既味道好丰富，少少酸之余仲有啲酒香，之后甘苦味先再出黎。口感好rich，而且非常丝滑！✨Espresso Tonic只咖啡豆冇咩惊喜，不过加左tonic water 之后，变得就清凉解渴，比起饮iced amerciano 多左啲甜酸，冇咁寡。值得一提既系餐厅用左一大粒冰，令啲冰冇咁易融沟淡左啲味，有心思～✨抹茶卷蛋蛋糕体非常湿润，抹茶味浓郁。而中间既cream 好香好滑，但又唔会觉得好厚好滞，加埋少少既抹茶甘味，简直就系画龙点睛！