Caffe Milani (時代廣場) (已結業)

早几日系klook订左个朱古力四重奏蛋糕，父亲节攞，$380 7吋。朱古力四重奏 $380呢款蛋糕系父亲节限定，我贪造型系爸爸西装造型，由朱古力慕丝、可可饼底、黑朱古力脆脆、软心咖啡朱古力酱、冧酒香可可海绵蛋糕组成。价钱已包括自订祝福语朱古力心意牌、蜡烛一支同胶刀，不过无声称既餐具一份。蛋糕系有黑朱古力同白朱古力外围包住朱古力镜面既蛋糕，上面再用朱古力做成一条煲呔，另外用金箔做钮。朱古力镜面既蛋糕入面系朱古力酱面包住厚厚既朱古力慕丝，中间有少少软心咖啡朱古力酱同可可饼底。可可饼底唔脆，软心咖啡朱古力酱唔啱小朋友食，冧酒香可可海绵蛋糕唔多觉。成个蛋糕非常腻，味道系有层次，外层朱古力酱好湿润，可惜无口感，一定要好多人分先得，食完好饱滞。蛋糕盒都好实净。