影片
更多
2012-01-27
89 浏览
今日同同事到好耐冇去嘅sweet 19 lunch，餐牌只得牛仔肠同蟹肉意粉，两款都系敏感人士忌食菜式，再冇其他野拣，觉得佢编排餐牌有D问题，同选择太少。我哋一行三人，两款菜都有点，份量比以前少咗好多，可能太耐冇去，而家物价又标升，所以觉得特别细碟，唔系好饱，而且质素一般。之后加咗两个cake，要咗最出名嘅金字塔同另一个焦糖香梨蛋糕，两款都好好食，可以一赞。不过餐厅两个tom boy侍应就态度欠佳，问佢除咗set lunch外，有冇其他menu，佢好似唔想理你咁，好副气咁答，冇架㖞，然后走咗去。问佢有咩蛋糕拣，佢又好冷淡咁答你，我都唔知有咩㖞，你自己去饼柜睇喇!呢D咁嘅service，完全唔衬间cafe啰。佢主餐嘅野又唔系好食，只系个cake可以，服务又咁差，下次都要谂下系咪再去。如果只为食cake去，佢个cake set 都要成六十几蚊，咁不如去酒店，起码人地D服务都prof D 喇!
张贴