人和月雞煲火鍋店 (已結業)

香港天气正式入秋啦！秋冬最岩同朋友聚会去食鸡煲或者打边炉。今次瘦编去咗尖沙咀试吓依间新开张嘅「人和月鸡煲火锅」，可以一次过满足你两个愿望。☺️-餐厅有三款套餐选择，瘦编拣咗中价位【特选满足吃到饱】。首先头盘有麻辣鸡煲、韩式芝士鸡煲同酸菜鱼选择。瘦编拣咗韩式芝士鸡煲，鸡件沾上大量韩式辣椒酱，表面仲有大量芝士碎。开火之后芝士就开始溶，做成拉丝嘅效果，好正。食完之后可以通知店员，拣埋汤底就可以打边炉！汤底有6种选择，瘦编就拣咗胡椒猪肚汤底，胡椒香味好浓，仲有爽口猪肚可以食！👍🏿-首先每枱会有一盘美国极品级靓牛并盘，一次性供应，之后可以叫自己套餐包嘅食物。最深刻系有特级牛胸爽，香港唔系好多打边炉嘅地方会有，口感好爽，正！另外其他牛肉都唔错，高级雪花肥牛油脂分布比例平均，肉质好嫩。牛下肩同牛板腱嘅肉味都好重！任食款式仲有好多选择，牛、猪、鸡、海鲜样样齐，用QR code落单好方便。另外出面仲有蔬菜、丸类、饮品同甜品设自助区，甜品区好惊喜！有芋圆、小丸子、凉粉、红豆等等好多配料，热辣辣豆腐花劲正！大家一定唔可以错过！-味道评分▶️🌕🌕🌕🌕🌑 (4)抵食评分▶️🌕🌕🌕🌕🌕 (5)回购评分▶️🌕🌕🌕🌕🌑 (4