Cafe Paradise (已結業)

搬左出市区最大嘅得著就系收工出街食埋晚饭返到屋企都仲系好早😜。搅到最近我成日都外出用膳，好似放监咁😂。今晚就拉左家姐去太子呢间餐厅食， 我之前同朋友去杏花邨outlet时食过佢嘅分店， 𠮶度装修梦幻， 色彩缤纷，又有旋转木马，系拍照打卡嘅好地方。不过太子呢间就走平实feel，装修简单。我地点左两份晚餐，烤西班牙猪肋排同鹅肝香蒜天使面，一肉一主食， 可以share share together。跟餐有齐汤同沙律， 是日餐汤系南瓜汤。猪助骨烤得非常香口， 西班牙猪油份唔多，所以食极都唔腻。天使面质地弹牙，虽然未至于al dente, 但都非常爽口， 鹅肝是整片的，一啲都唔辜寒。甜品是雪糕， 我地将其中一份升级要左心太软。心太软朱古力味劲浓，但配浓黑即磨咖啡就刚好。套餐其实好多野， 所以我地食完就决定散步回家， 帮助消化。