影片
更多
2013-01-24
927 浏览
以前中学喺喇沙读书嘅时候，差唔多日日都喺九龙城食嘢。上咗大学出咗嚟做嘢，因为唔再住喺果头，九龙城又唔近地铁，好少去喇。上个星期六放假，陪妈咪去九龙城排队睇中医。一早去到都要排成两个钟，拾埋药都中午喇。妈咪话无咩胃口，拣咗去 Ceres 果间 cafe。以前成日去 Ceres 面包店，果时九龙城得佢一间卖高级西式面包，最钟意 garlic baguette，仲有买朱古力熊仔包俾妹妹食。佢个老板好亲力亲为，差不多去亲都见到佢。无去一排，应该面包店做得好，喺附近开间小 cafe。地方唔大，坐得10个人左右，不过感觉都几舒服。我哋先叫咗 green tea 同 banana smoothie。Smoothie 用香蕉即打，无化学味。饮嘢都算几多选择，价钱都唔算贵。妈咪只叫咗个 cesar salad，够新鲜，但系对我嘅话份量就少咗啲，对女士就刚好！我叫咗白汁烟肉意粉。Take order 个女仔走入厨放煑嘅，整得好慢但仲系有啲手忙脚乱... 味道呢？同我自己喺屋企煑嘅无咩分别，大家明啦，哈哈。Cafe 依边都有啲蛋糕，不过选择少啲。我叫咗最普通嘅黑森林，食落 cream 好重，无咩酒香，差咗啲
以前中学喺喇沙读书嘅时候，差唔多日日都喺九龙城食嘢。上咗大学出咗嚟做嘢，因为唔再住喺果头，九龙城又唔近地铁，好少去喇。
上个星期六放假，陪妈咪去九龙城排队睇中医。一早去到都要排成两个钟，拾埋药都中午喇。妈咪话无咩胃口，拣咗去 Ceres 果间 cafe。以前成日去 Ceres 面包店，果时九龙城得佢一间卖高级西式面包，最钟意 garlic baguette，仲有买朱古力熊仔包俾妹妹食。佢个老板好亲力亲为，差不多去亲都见到佢。
无去一排，应该面包店做得好，喺附近开间小 cafe。地方唔大，坐得10个人左右，不过感觉都几舒服。
我哋先叫咗 green tea 同 banana smoothie。Smoothie 用香蕉即打，无化学味。饮嘢都算几多选择，价钱都唔算贵。
妈咪只叫咗个 cesar salad，够新鲜，但系对我嘅话份量就少咗啲，对女士就刚好！
我叫咗白汁烟肉意粉。Take order 个女仔走入厨放煑嘅，整得好慢但仲系有啲手忙脚乱... 味道呢？同我自己喺屋企煑嘅无咩分别，大家明啦，哈哈。
Cafe 依边都有啲蛋糕，不过选择少啲。我叫咗最普通嘅黑森林，食落 cream 好重，无咩酒香，差咗啲。妈咪话唔要又要，最终喺面包店果边要咗件 blueberry cheesecake。件饼偏实，无咩 cheese 嘅香味，好一般。
Ceres cafe 水准一般，胜在坐得舒服。依类 cafe 喺九龙城唔多，都值得支持嘅。一直觉得 Ceres 嘅面包好过蛋糕好多。或者老板可以谂下热辣辣出炉面包加新鲜 butter and jam 同咖啡，应该仲吸引！
张贴
