Cafe Charm's (已結業)

同女友去黄埔睇戏，之后 search 下附近有咩食，就见到呢间餐厅好似好受欢迎，于是决定试下。去到见到门口好多人排队，我哋等咗一阵就入得，装修简洁明亮，可能食客比较多，如果想静静地谈心就有少少难度。女友最 like 卡邦尼意粉，咁当然要叫比佢食啦，卖相己经令人流口水，入口非常浓郁芝士味，仲有烟肉同磨菇做配料，意粉煮到好弹牙，色香味俱全。面包非常香口松脆，汉堡扒入口有浓郁嘅牛肉味，而且肉质松化又 juicy。薯角面舖满厚厚的芝士，外脆内软，入口食到啖啖浓郁既芝士味，正！我同女友都好满意呢餐，价钱大众化而且味道好好。一句讲晒，以咁既价钱，有高级餐厅既质素，真系好Charming 呀