Check In ThaiViet (已結業)

呢间有半开放式座位嘅泰国餐厅位于上环同西营盘之间嘅小巷，墙上画满可爱嘅手绘图画，甚具特色。𖦹 菠萝海鲜炒饭 $98  以原个菠萝上枱，卖相十分吸睛，满满嘅肉松同埋腰果，加上虾、鱿鱼、蟹柳、原粒菠萝等配料，极为丰富，饭粒炒至粒粒分明。𖦹 软壳蟹米纸卷 $98半透明嘅米纸入面系软壳蟹、牛油果、红萝卜、青瓜同埋生菜，点啲酸酸甜甜嘅酱汁，开胃之选。𖦹 青木瓜鲜虾沙律 $88爽脆嘅青木瓜丝加上鲜虾，捞埋酸辣嘅酱汁，非常清新，夏天食就一流。𖦹 泰式冻奶茶 $38冲住只熊啤啤而嗌嘅thai tea！只要将啲茶入个杯到，佢就会浮返上嚟重见天日㗎啦，搞匀杯底嘅炼奶再饮，入口唔过甜，茶香四溢，仲带啲花(?)香。𖦹 泰式椰子雪糕红豆冰 $48椰子雪糕浓郁得嚟食到啲椰子肉，好惊喜，如果可以再多啲红豆，相信口感会更佳。