諾亞半熟蛋糕專門店 (已結業)

第一次试诺亚𠮶阵只系卖半熟蛋糕，而家越嚟越多新产品喇，例如cheesecake。我自己偏爱又腻又硬嘅cheesecake，日本淡味𠮶款其实冇乜好感，不过妈咪钟意食轻身嘅，咁行过就买个俾佢试吓啦！因为仲未返屋企，所以叫店员俾啲干冰我拎走，大概可以keep到两个钟一早起身妈咪已经预备好个蛋糕，一切蛋糕𠮶阵，虽然冇超流心，但中间位置系软滑creamy嘅，所以好难会切得靓；香蕉味浓又唔会好甜，不过就盖过咗芝士嘅味道，会比较淡，同我钟意食𠮶啲感觉完全唔同，所以食多件都唔会好腻；最底层嘅朱古力饼底令成个蛋糕又多咗个层次喇薏仁份量够多，蜂蜜又有啲啖啖嘅甜味！感觉健康又清新，春天饮就啱晒喇！