影片
更多
2012-07-06
344 浏览
Chez Patrick个名听就听得多，因为热爱烹饪o既妈咪都有上过Chef Patrick教o既堂。妈咪经常赞Patrick师傅除左煮野食有谂头，个人亦好大方慷慨，唔会收埋收埋D秘技又或者唔比人试食。所以一听到佢喺公司附近开新店，又可以用Tablemap订位时，我就立即约表妹一齐试食，顺便赚取QRE分数。对我依个喺湾仔返工o既人黎讲，Chez Patrick餐厅位置真系好方便，由公司出发，行几步就到。因为食过之前同舖位o既法式餐厅La Bons，所以一早知道佢楼面高，间隔宽敞。唯一好似觉得新装修后，好似少左好多位；咁都好o既，因为人少左，杂声冇咁劲，食得舒服左。小弟黎帮衬前都做过功课，睇过食评，知道Chez Patrick餐厅内o既服务生质素参差，今次见识过后，谂左几日，都觉得有必要喺食评中讲出自己差不多o既经历。话说当日，一上到门口，XO用超纯正o既广东话同接待小姐讲我经Tablemap订左两个位，𠮶位妹妹非常迷茫地睇左佢本薄一眼，跟住带我地入餐厅拣枱。然后唔知点解，佢本身讲广东话o既同事突然转哂channel，同我地讲英文，之后仲索性叫位外籍姐姐招呼我地添。虽然我同表妹都讲得一口
对我依个喺湾仔返工o既人黎讲，Chez Patrick餐厅位置真系好方便，由公司出发，行几步就到。因为食过之前同舖位o既法式餐厅La Bons，所以一早知道佢楼面高，间隔宽敞。唯一好似觉得新装修后，好似少左好多位；咁都好o既，因为人少左，杂声冇咁劲，食得舒服左。
小弟黎帮衬前都做过功课，睇过食评，知道Chez Patrick餐厅内o既服务生质素参差，今次见识过后，谂左几日，都觉得有必要喺食评中讲出自己差不多o既经历。话说当日，一上到门口，XO用超纯正o既广东话同接待小姐讲我经Tablemap订左两个位，𠮶位妹妹非常迷茫地睇左佢本薄一眼，跟住带我地入餐厅拣枱。然后唔知点解，佢本身讲广东话o既同事突然转哂channel，同我地讲英文，之后仲索性叫位外籍姐姐招呼我地添。虽然我同表妹都讲得一口流利英文，不过见佢地有如此表现，我俩都觉得莫名其妙！正如其他食评所讲，除左外籍经理一人可称为落力上心之外，其他服务生表情可谓呆滞，态度虽不算恶劣，但绝不谈得上友善，表现出对餐厅运作以及食物菜式都颇为陌生，真系几惊吓！
午市套餐：头盘＋主菜＋甜品（不含餐茶或咖啡！水都要另叫，每枝$75！）；$250只选其中两道，或$350要哂三道；每加$100可转一道菜为招牌菜。
免费餐前小食之涷梨汤及虾串：虽说系免费赠送，不过好明显午市套餐个价钱已经包左。涷梨汤酸酸甜甜又苦苦地，最奇怪就系𠮶阵强烈o既香草味，个人觉得唔系好夹啰。
个虾串还OK，虾身算爽，味道亦正常。不过可能饮左个汤先，所以虾串中o既哈密瓜变得冇乜味。
（大家可能会觉得好奇怪，点解我每道菜都要影两幅相呢？其实系因为肥爸爸送左部新手机比肥仔仔，XO试新机之余，亦想用新app同大家分享下Ｄ作品。）主菜之法式黑猪Roast French “Bigorre” Black Pork Rack with Sage, Caramelized Applesauce：黑猪肉质算嫩，又够肉汁，所以完全唔嚡唔干。调味带甜，食得清新，我同表妹对依个主菜都相当满意。
我同表妹食到一半，突然间见倒一个外籍厨师出黎同一枱西人打招呼（无错，系西人同西人o既私人交流），有预感佢就系Chef Patrick，所以就迅速地用手机影左幅相，返屋企比妈咪确认。（小肥是对的！）见大厨午市时间都走出黎，原本觉得佢冇乜架子，点知佢同外籍客人打完交道后就返左入去，似乎有轻视本地客人之嫌，所以当堂对佢o既印象大打折扣！
甜品之心太软Delicacy Passion Fruit & Chocolate：份量看似比较少，但系因为心太软可以好溜，所以XO仔觉得好似咁细细个就啱啱好！
因为曾经食过「心太硬」，所以惯性食前都会先落一刀，验证流心程度，小肥确认Chez Patrick合格！暖暖o既心太软熟少甜，外层松软，内层又够流心，parfait！另外，碟上o既朱古力酱拌半件热情果macaron酸酸甜甜，都好啱我口味！
总结，要我用三百几蚊食一餐服务不周，食物水准一般，食我唔饱又唔包餐茶/咖啡o既法式午餐，我只可以话系万二分唔抵啰！因Chez Patrick实在太贵（法文译作“cher”），XO认为餐厅应改名为CHER Patrick！讲真𠮶句，佢个午市套餐如果可以减到百几蚊一客，我谂到时我先会返去再帮衬！
张贴
