Boomshack (已結業)

出街食饭先来落雨，唔通连个天都唔钟意我？其实落雨又使乜惊㖞，落雨出街食少好多人争位。来到Boomshack, 完全唔使等位。 Boomshack啲装修同个名一样型格，吧枱上面挂满饮品罐， 除咗中间一张大木枱，其他枱同凳都系铁造嘅，摆餐具餐具都系用个铁罐，连个waiter都成个oppa 咁款，好鬼cool。Fries好特别，第一次食beet root fries，好有惊喜。外皮原来都好脆，入面就冧冧地，几甜。虽然fries 都唔会话有几健康，但系用红菜头，起码都冇咁guilty。经典牛肉汉堡包啲牛肉几juicy, 块芝士烧得好靓。 块面包可以改善下，口感麻麻地，有啲粗糙。好欣赏个炸鸡窝夫，原来窝夫唔一定要配雪糕当甜品。 个炸鸡窝夫味道偏甜，而啲炸鸡唔算好浓味，但系炸得够香脆， 两者放埋一起又出乎意料地夹㖞，值得推介。