麻辣派對 (瑞生酒店) (已結業)

一向好喜欢食辣，今次再次来《麻辣派对》，满足自己食辣嘅欲望🙏🏻。餐厅装修好有格调，灯光偏暗，配上西色装修，油画挂墙，正合「派对」气氛。主打四川麻辣菜，餐牌五花八门👍🏻 有水煮鱼，烤鱼，香锅，小炒，海鲜等😍 另外可以拣辅菜放入锅内 更满足🤍 另外所有𩠌菜都可以拣辣度👍🏻 重庆铜盘烤桂鱼 麻辣味型 $338~ 辣度方面，拣咗BB辣，有好多辣椒，比想像中辣，而且辣味比麻味更重。好大条鱼，鱼肉好滑，有芽菜，蜂巢豆腐，金菇，荽茜，蒟蒻等，好足料👍🏻。另外加咗水晶粉 $38~水晶粉偏幼，正常份量，好索汤汁👍🏻 不过要小心，如果煮得太耐，水晶粉好容易发涨，亦都要小心黏底👍🏻。另外加咗蒙古羊肉 $68🥹 ~蒙古羊肉本身偏碎，但份量好多😍 羊肉味好重，麻辣味绝对唔会盖过羊肉味，反而可以将羊肉味升华，推介!! 另外，餐厅更每人送一份桂花糕冰粉，一解辣气，食埋甜品更满足!