影片
更多
2017-08-01
1369 浏览
几个朋友想揾间有feel既中环bar食下野chill下, 今次等佢地带路墨西哥脆片实在系西餐小食其中一个必点!!以小食黎计,份量多,面既忌廉酸酸地,用黎点墨西哥脆片好夹。而我最中意系中间果层芝士,味道相当浓郁,咸香再配埋忌廉,好想清哂成盘! 有脆片又点可以无薯条先XD今次个薯条较幼身,虽然平时爱好粗薯条多D,但呢个都够粉,感觉无粗薯条咁热气(自我安慰中XD)但都几快变稔!同样地,中间既芝士酱系令我地可以劲快清哂成盘既原因!好少见薯条面系配虾,而同原只上,虾肉扎实肉多。 一盘薯条已经满足唔到我地,所以我地叫多个XD手撕鸡就听得多,手撕猪就真系少食,同样地猪肉丝份量好多,一啖肉一啖薯条,几有趣既配搭,个人中意呢个薯条更多~~ 好中意食鸡,朋友们都好期待呢个鸡膇个样好得意,以棒棒糖咁既样子呈上,另外仲附上两种酱比我地点有样有内涵既鸡搥! 咬落首先食到薄薄既一层脆皮外皮,同一般平时炸皮唔同,虽然佢会薄身d,食落似平时既面包糠但细粒版,估唔到依然可以做到咁脆口既效果!鸡肉肉汁丰富,size较细少所以唔算太多肉,所以我食左几只,嘻嘻! 食左咁多肉,如果再点burger会怕太多肉,所以拣左呢个素食b
墨西哥脆片实在系西餐小食其中一个必点!!以小食黎计,份量多,面既忌廉酸酸地,用黎点墨西哥脆片好夹。而我最中意系中间果层芝士,味道相当浓郁,咸香再配埋忌廉,好想清哂成盘!
有脆片又点可以无薯条先XD
今次个薯条较幼身,虽然平时爱好粗薯条多D,但呢个都够粉,感觉无粗薯条咁热气(自我安慰中XD)但都几快变稔!同样地,中间既芝士酱系令我地可以劲快清哂成盘既原因!好少见薯条面系配虾,而同原只上,虾肉扎实肉多。
一盘薯条已经满足唔到我地,所以我地叫多个XD
手撕鸡就听得多,手撕猪就真系少食,同样地猪肉丝份量好多,一啖肉一啖薯条,几有趣既配搭,个人中意呢个薯条更多~~
好中意食鸡,朋友们都好期待呢个鸡膇
个样好得意,以棒棒糖咁既样子呈上,另外仲附上两种酱比我地点
有样有内涵既鸡搥! 咬落首先食到薄薄既一层脆皮外皮,同一般平时炸皮唔同,虽然佢会薄身d,食落似平时既面包糠但细粒版,估唔到依然可以做到咁脆口既效果!鸡肉肉汁丰富,size较细少所以唔算太多肉,所以我食左几只,嘻嘻!
食左咁多肉,如果再点burger会怕太多肉,所以拣左呢个素食burger!身为食肉兽既我第一次点无用既burger,但意外地一样滋味.
三个迷你汉堡包,入面夹着既原粒蘑菇调味唔浓但菇既鲜甜好明显,佢既清爽令成个汉堡包变得唔heavy,原来呢个结合都唔错,
不过个人会觉得食肉既burger会扺啲XD
食过唔少龙虾意粉,今次呢个系配料上出色,但意粉既味道都系卖点之一!
龙虾够大只,不过主要朋友食,朋友话食到好多肉,
反而系个意粉辣度令人耳目一新,胃口大增,朋友话要encore一碟
慢煮三文鱼,个样同本身预期既有啲出入,
好多汁浸住件三文鱼,三文鱼鱼肉好稔身,比平时鱼肉更加稔,有啲似食紧鲶鱼柳既质感,个人觉得三文鱼本身札实既口感会好D,呢个有啲过淋
但佢系今餐最清淡既一道菜,如果大家唔想又系薯条牛扒咁heavy,可以试下呢个!
炸雪糕
身为雪糕控既我,有雪糕既甜品就最合我意
炸雪糕食过两三次,味道唔太深刻,但今次呢个超级巨型既炸雪糕颇有睇头。
首先店员呈上左一个巨大雪糕球,再淋上酒,叫我地ready好哂相机,就点火,顿时成个雪糕球变成火球!!!场面好震撼呀
呢个雪糕球既size大概系平时单球雪糕既四五倍,几个人分享都无问题! 最特别系佢既外层原来用左海棉蛋糕代替平常既炸皮,好特别既设计!!
烧香后既酒味更加突出,令整个甜品更吸引 而海棉蛋糕浸左溶左既雪糕变得稔身,所以大家要食快啲,加上被火烧既关系更快溶啊!
呢个朱古力蛋糕同样份量好大,口感偏向紥实,同brownie质感好相近,但无佢咁硬实,多左几分软熟度
呈上时朱古力蛋糕仲暖暖地,所以面既云尼拿雪糕好快就溶
而呢到既云尼拿雪糕系自制既,所以味道好天然,云尼拿香味唔假!
配埋红莓粒为朱古力既浓添上中和既酸
张贴
