Timber

营业中

休息中

下午茶食得太饱，食唔落晚餐，我同男朋友就决定揾间酒吧饮下野、食下小食。之前我地黎过隔离间日本餐厅食饭，有印象见过呢间酒吧。男朋友想起呢间野就提议黎试下。上到黎发现呢间酒吧里面都几大，仲有好多特色cocktail我地叫左两杯试下。Dragon Daz男朋友叫左呢款。呢杯系一杯以火龙果为主嘅signature cocktail，首先卖相好靓，红红白白配搭好抢眼。呢杯酒有火龙果嘅甜味，但酒味好浓郁好纯。Jap Jap呢杯就细细杯，金黄色配以荔枝，感觉好夏天。比起Dragon Daz，呢杯酒味相对唔系好浓郁，但系就富有荔枝果种清新甜味，啱晒我！我地仲左炸鸡翼同埋炸薯角。鸡翼劲好味！炸得刚刚好金黄，皮脆肉嫩，再加埋个特别的辣酱，特别惹味开胃，送酒真系超正。薯角份量好多，而且炸得好香脆。仲有送的薯片和开心果。有得睇波，仲有得玩游戏。店员仲介绍话呢到既游戏桌系全港独家的大家得闲不访黎试下。绝对系值得encore的酒吧酒、小食、设施都一流。