潮食地

营业中

休息中

今日中午同同事一齐去试附近未食过嘅茶记，呢间餐厅好企理，而且比较新式，选择都非常多。环境卫生阔落，主要都系卡位，所以坐得好舒服。餐牌都有好多个，有午市套餐餐牌，同埋煮餐牌，菜式都系覆盖唔同嘅种类。我同同事二人各款都有试下。《自选鲜汤刀削面》$64刀削面可以拣汤底同埋配菜，我拣咗麻辣汤同埋香茅猪扒。麻辣汤好香四川花椒味，唔会好辣，我谂唔太食得辣嘅人都接受到，个重点系好香，同埋刀削面嘅口感好好，又滑又弹，猪扒好厚好大件，香茅味浓，推荐！跟餐附送嘅餐汤都好好饮，足料！《金银蛋浸时蔬》$68我哋拣咗芥兰，份量好足，好大碟，芥兰爽脆入味，好食。《豉汁蒸排骨》$68同样份量好足大大碟，仲配白饭添，排骨好入味，虽然系豉汁但唔会好咸，好味！每旧都有肉唔系脆骨/骨，几高质。 总括嚟讲，呢间新式啲嘅茶餐厅质素都唔错，下次会再嚟帮衬。