Bischofia by Mood

营业中

休息中

秋风起天气好好，紧系唔想留喺屋企。同朋友去左观塘海滨行下吹下风，夜晚去左牛头角附近谂住揾下有冇好野食。喺工厂附近见到有间装修好靓既餐厅，入面仲有Halloween既装饰应一应节😬💙。而且星期六晚7:00开始，仲会有live Band可以听，仲可以自己点歌即场唱🥹。厨师发版-芝士龙虾蕃茄扁意粉一上碟已经见到大大只龙虾，仲要面头有一层芝士。龙虾既肉质好爽口，同埋有好多虾膏。入面系浓厚既蕃茄汁，同蕃茄仔，材料十足。😽香煎纽西兰牛柳配薯蓉 $208佢呢一个纽西兰牛柳嘅酱汁好特别，分别有每汁、同埋一啲酸酸地嘅酱汁，加埋一齐有少少似IKEA食到嘅肉丸𠮶种感觉，开胃得来又唔会好奇怪。而牛扒方面，佢嘅肉质唔会好韧，而且好香牛味，煮到大概五成熟左右。Caffe Mocha $50今次叫咗杯热嘅Mocha，首先个拉花见到已经好靓，饮落佢嘅咖啡味都好香，而且又唔会过甜。Hojicha Skim Latte $55最钟意就系饮焙茶，今次见到佢配搭埋脱脂奶，所以就选择咗一杯冻嘅焙茶鲜奶试一试。佢嘅焙茶味好香浓，而且饮落去都唔会好水，味道都唔错。