Urban Coffee Roaster (唐賢街)

营业中

休息中

今日同老公谂住嚟海旁食晚餐chill下，一search之下，发现呢边都有Urban Coffee Roaster，因为之前喺尖沙咀点食过觉得好味，所以就拣咗呢间。沿用返佢哋一贯工业风嘅设计，好靓好有feel，成个场嘅座位都非常阔落，坐得舒服。《炸鱼薯条》$118食西餐，当然唔少得炸鱼薯条，呢个鳕鱼柳皮薄，又脆口，而里面嘅鳕鱼冇雪藏味 而且口感好滑，薯条亦都好脆。《辣肉肠炒鲜鱿鱼》$88老公好钟意辣肉肠，不过因为辣肉肠本身比较咸配埋清清地甜甜地嘅鱿鱼就啱啱，呢个配搭真系几出色，鱿鱼本身大甜味又林又爽口。《明太子忌廉意粉乌鱼子》$148一向都好钟意明太子嘅意粉，呢个都做得好好，意粉软硬度适中，明太子味好浓郁，意粉本身亦都好挂汁。《手打安格斯牛肉汉堡配薯条》$138汉堡好大个，馅料充足，汉堡不下Juicy而且唔会一咬就散晒，牛味浓，包嘅面亦都脆脆地，整体嚟讲口感几好。食西餐，当然要配杯啤酒，佢哋而家做紧套餐优惠，嘢食加杯啤酒嘅套餐，价钱好合理！总括嚟讲呢间餐厅嘅味道唔错，价钱都唔贵，有机会会再帮衬。