寢宮

营业中

休息中

今日约咗朋友去诺士佛台食饭，朋友话呢个地方好多餐厅都好适合收工之后去relax吓,去到果然见到好多餐厅选择，我哋见到呢间餐厅好似几舒服，所以就决定入嚟试吓。入到餐厅个环境昏暗，而且座位度好舒服，令人有一种好轻松嘅感觉。餐厅职员好快安排我哋入座，餐牌上好多唔同种类嘅选择！黑松露薯条我哋点咗呢一个薯条，一路食下小食，一路倾吓计，真系一个唔错嘅选择，上菜嘅时候薯条特别大份，而且每条都炸到脆卜卜，配上黑松露酱汁，特别惹味，职员都好细心，配埋茄汁俾我哋沾，令到我哋可以有多种嘅选择！避风塘炸鱿鱼须上菜嘅时候仲系热辣辣，每一条鱿鱼须都充满着避风塘嘅香味，而且口感非常弹牙，每一条都细细啖容易入口。经典卡邦尼意粉呢碟卡邦尼好香芝士味，而且烟肉份量都好多，每一啖都好creamy !! 份量啱啱好，可以俾我哋留返个胃食其他嘢。白酒辣椒蚬肉意粉呢碟意粉令到我哋都觉得有惊喜，蚬肉份量唔少，而且啖啖肉，意粉就充满着黑椒味嘅香，同埋都有少少辣㗎，食得辣嘅朋友别必点之选！好快就清晒成碟意粉啦！