Cafe Fabulous

营业中

休息中

朋友介绍咗我去呢一间喺旺角嘅Cafe Fabulous ，一上到去嘅时候就见到份蓝色嘅梳化，同埋好开阳嘅感觉！所以一上到去嘅时候就已经觉得好舒服😌加上呢一度仲可以有唔同嘅桌游可以俾大家同朋友仔一齐玩！咁就可以一路食一路玩啦✌🏻我同朋友今次就叫咗一个二人餐，我想介绍一下呢一度嘅美式猪仔骨！呢度嘅猪仔骨真系好好食，而且卖相都好吸引，可以话系色香味俱全！而且呢个猪仔骨嘅猪肉好林！另外，仲有一份黑松露杂菌意大利饭！呢个黑松露嘅香味真系好浓郁，而且加埋呢个意大利饭本身嘅硬度啱啱好！所以入口嘅时候口感同埋味道嘅冲击都好强烈！