小火山 (已結業)

今次同大家介绍一间位于铜锣湾，有Live Band嘅泰式餐厅，主打香港好少地方可以食嘅泰猪锅，可以一次过食晒火锅同烧肉😋一坐低就会上杯welcome drink，餐厅环境好chill，座位好阔落，夜晚仲有Live band，可以一路打边炉一路烧肉一路听歌😍当晚嘅驻场band超高质，歌又好听，嘢又好食😍chill爆😍前菜方面好推荐大家嗌小火山三味刺身一口杯盛盒，分别有三文鱼、泰式生蚝同生蚝，每种刺身都好厚肉，味道好清新开胃泰猪锅可以拣2个汤底，极力推荐大家嗌香茅椰汁鸡汤！汤呈奶白色，入口口感非常顺滑，椰子味超级香，带有奶香味，就咁饮已经好好饮🥹🥹火锅配料同烧肉都好味！值得一提嘅系餐厅喺酱汁方面都好比心机，提供左4种酱料，有辣有唔辣😍好适合同三五知己一齐黎食，打边炉又得，烧肉又得！饮品方面我地叫左泰式奶茶同火山青柠蓝泡泡，2杯都好好饮😋😋泰式奶茶超级滑，甜度恰到好处😍而青柠蓝泡泡卖相就已经好靓，一定要打卡，味道亦酸酸甜甜，解腻一流