大樹燒烤 (已結業)

忙完一个礼拜，又到星期五，放咗工最适合去食吓串烧饮吓酒，约咗朋友去尖沙咀新开嘅餐厅-大树串烧餐厅位于喺厚福街嘅H8商业大厦内，呢度系出名既美食街，一于试试佢入到去店员好快咁安排好座位，好彩我哋早嚟，由于系星期五，我哋走𠮶阵到差唔多满晒位。花甲粉，花甲粉调味适中，而且花甲唔会过老，粉丝更加吸收咗花甲嘅鲜甜。烧白鳝，外脆内软，而且有把白鳝鲜甜味带出来。而且有大量嘅孜然粉食起上嚟更加香。烧猪腰，猪内脏最怕系有腥味，但系佢洗得非常干净，高分之作。烧扇贝，即叫即开，而且清洗得非常干净，上面放咗一边系蒜蓉，一边系辣椒，食起上嚟非常惹味！新疆羊肉串，肥瘦均匀，唔会咬到一大旧肥肉，而且系少数嘅羊肉串有羊有羊味。大大大烧茄子十分多蒜蓉放系上面，脆口焦蒜加上油香令人食欲大开炒米粉，虽然Menu上面净系写住炒米粉，但系其实材料非常丰富，有鱿鱼，火腿，蛋同埋菜等。而且镬气同份量十足，男士的话唔怕会食唔饱！每一张枱都有一块铁板，下面放蜡烛帮串烧保暖，可以睇得出店家嘅用心，同埋佢对食物嘅要求。呢啲高质串烧一定要大力支持下！