牧羊少年咖啡館 (K11購物藝術館)

营业中

休息中

疫情关系，好耐冇约朋友，难得出尖沙咀，就约咗朋友嚟呢间牧羊少年咖啡馆食个下午茶，计吓偈。呢度个环境唔错，文青feel，坐得几舒服，好啱喺度过一个好chill嘅下午，不过呢度系有限时㗎😝两个女仔叫咗英式早餐午餐、千岛海鲜薄饼再加2杯抹茶可可朱古力。杯抹茶可可朱古力好rich，不过我嫌佢略甜，而且朱古力味同抹茶味亦唔够突出。英式早餐午餐，蘑菇真系超juicy，而且仲浓浓嘅蘑菇味；肠个味道又啱啱好，唔会太咸；平时我好怕喺出面食𠮶啲烟肉整到硬崩崩，呢度唔会有呢个情况⋯唔错！我觉得最惊喜系呢个奇亚籽甜品，食落似椰汁西米露，最紧要系饱肚又健康！千岛海鲜薄饼，呢度嘅pizza系薄批，饼边烤得脆脆，正常水准。总括嚟讲，呢度嘅食物份量好足，食物质素亦可以⋯如果行过，想揾个地方倾吓偈，食啲嘢，推介呢度。