Bacaba

营业中

休息中

趁假期约旧朋友食𠮶lunch，去咗将军澳海滨长廊揾食，拣咗间舒适嘅餐厅。分室外室内，大热天时必定坐室内，地方宽敞，墙上嘅油画好抢眼。选择多，有土耳其烤肉、前菜、沙律、意面、意式烩饭、主菜、牛排、三文治、批萨、甜品等。羊肉卷饼 （$120）可配三款酱，拣咗微辣辣椒酱、鲜薄荷酱及鹰嘴豆泥酱，味道配搭美味！大大卷，用料好足！柔韧微脆嘅饼皮卷着腍嫩嘅羊肉，还有清爽嘅生菜、蕃茄、青瓜、紫洋葱等，一啖咬落去好丰富。羊肉有少少羊膻，配上鲜薄荷酱，最佳拍档！三文鱼沙律（$170）满满一大盘，色彩丰富。三文鱼好厚身，用水煮方式烹调，食到三文鱼鲜味。沙律用料多变，有杂沙律菜外，仲有西兰花、紫洋葱、青瓜、车厘茄、甘荀丝、三色藜麦等，清新爽脆。拣咗薄底提卡咖喱鸡肉批萨（$145/medium)，再加两款蔬菜（+$20）更加丰富。批底香脆可口；鸡肉香辣惹味，加埋咸香嘅芝士和清爽嘅青椒和紫洋葱，配搭最岩。