斑蘭

营业中

休息中

嚟到圆方，呢间餐厅环境都几别致，淡色嘅设计，加上中庭嘅棕榈树做装饰，好有夏日风情，因为我早食饭，店员就安排咗我去坐卡位，位置都几阔落，坐得都几舒适。💚蛋黄酱单骨鸡翼炸到好香脆嘅单骨鸡翼，加上少少嘅蛋黄酱，好惹味，味道就唔辣嘅，所以大人细路都啱食。💚串烧猪腩肉+鸡肉串烧猪腩肉肉质嫩滑，白肉位置比较酥脆，而鸡肉都采用咗鸡胸嘅位置，肉质都嫩滑，配上特制酱汁，酸酸辣辣几惹味。💚原只菠萝焗饭菠焗表面有好多海鲜同芝士，青口、显、虾、鱿鱼都有，原只菠萝嘅焗饭入边仲有啲菠萝粒，估唔到同芝士都几夹。💚海盐雪糕伴粟米脆脆咸咸地嘅海盐雪糕，上面有啲朱古力酱同粟米脆脆，食落有啲口感。食评总结：餐厅环境好舒服，食物质素唔错，见到有套餐都几多嘢食，最啱约埋朋友一路吹水一路食饭啦。