影片
更多
2023-05-31
12 浏览
位于尖沙咀金巴利道88号地舖及一楼全层嘅糖宫甜品专门店, 主打港式及西式甜品。甜品店邻近诺士佛台, 又近理工大学, 想 chill 啲, 唔想咁迫, 又想食得咁赶, 呢间啱哂啦, 浅木色嘅色调, 又有少少水泥风, 地方干净舒适, 老板话想造出一间可以比大家Chill Chill嘅地方, 慢慢享受甜品, 仲同我地讲佢有一间房, 成200几尺, 可比10-15人坐, 但暂时唔会对外开放住。甜品店上层都有打卡位, 喺大围仲有间总店已经开业咗八年啦; 睇得出老板无论系甜品嘅制作同埋店面嘅设计都放哂心机系度呀! 呢到既甜品款式都唔少, 由传统嘅芝麻糊到现代嘅雪花冰都有, 酥皮拿破仑, 窝夫, 果汁饮品都有。椰皇炖蛋白(冷) - $60配汤丸 (+$10) 老板大推呢个椰皇🥥🥚炖蛋白, 听老板讲呢个椰皇炖蛋白系招牌嚟呀, 每日限量发售。有分冻 / 热, 冻既话会有焦糖面, 加上天气咁热, 识食一定食冻啦,😋 我平时比较少食中式甜品, 我真心觉得值得一赞, 蛋白系放落原个椰子壳入边炖, 完全可以吸哂椰子汁嘅精华清甜味, 椰味加埋北海道3.6牛乳🥛嘅味道, 香甜浓郁, 甜度适中, 蛋白质地嫩滑绵幼,
椰皇炖蛋白(冷) - $60配汤丸 (+$10)
老板大推呢个椰皇🥥🥚炖蛋白, 听老板讲呢个椰皇炖蛋白系招牌嚟呀, 每日限量发售。有分冻 / 热, 冻既话会有焦糖面, 加上天气咁热, 识食一定食冻啦,😋 我平时比较少食中式甜品, 我真心觉得值得一赞, 蛋白系放落原个椰子壳入边炖, 完全可以吸哂椰子汁嘅精华清甜味, 椰味加埋北海道3.6牛乳🥛嘅味道, 香甜浓郁, 甜度适中, 蛋白质地嫩滑绵幼, 入口即溶, 吃到最后, 仲可以用匙羹刮少许椰子肉来享用, 椰肉稍为吸收了牛奶和蛋白精华, 口感比一般椰子肉更为滑溜香甜。配埋自家制够姜味嘅姜汁花生/ 黑芝麻汤圆🍡, 大满足呀!
玉桂香蕉酥皮拿破仑 - $62 + 曲奇雪糕 - $10
呢个拿破仑好特别, 好似用酥皮汤啲皮整成拿破仑皮, 唔系传统𠮶只一层层, 酥皮的口感好松脆, 上面撒了玉桂粉嘅切片香蕉🍌, 味道清甜, 再配上自家制吉士酱, 味道都唔错。加$10有曲奇雪糕球, 又有拿破仑, 又有雪糕🍨食, 感觉好满足呀!
玉桂香蕉窝夫伴雪糕 - $48
窝夫质地较脆🥞, 有烘烤既香味, 内都松软, 又好香蛋浆味, 但唔太甜, 仲配撒了玉桂粉嘅香蕉🍌同朱古力🍫酱, 几样野加埋都几夹。再雪糕球, 一冷一热, 正呀!
芒果汁 - $32
新鲜芒果🥭打蓉成芒果汁, 饮到有少少芒果粒, 甜甜酸酸, 超啱炎热嘅夏天呀!👍🏻
#糖宫甜品专门店#糖宫#佐敦美食#相机食先 #hkfoodie #hkfood #hongkongfood #香港美食 #尖沙咀美食 #金巴利道88号#甜品#酥皮拿破仑 #拿破仑#椰皇炖蛋白#窝夫#Chill#品专门店#糖水#中西式甜品#港式甜品#香港好去处
张贴
