影片
更多
2022-03-23
2962 浏览
假期最后一日一定要出去揾好嘢食，Ninety’s 已经book mark咗好耐，都系非常人气嘅餐厅，今朝早早就嚟到位于尖沙咀星光行诚品里面嘅分店，希望可以坐到窗口位，餐厅开10am 我10:15到，已经有两台客人坐咗系窗口位，好彩仲有位俾我，迟多10分钟就冇喇。今日虽然天气好差，外面一直落雨，不过能够坐到窗口位，呆呆望住出面街，食Brunch食足两个钟头，无无聊聊都系一件快乐嘅事。介绍吓呢度嘅Brunch Board 有4-6 Sides 可以选择，价钱由$128～$188，贵价食材是额外需要加钱，面包有四款可以拣，仲系无限refill，对于面包控嘅我就最开心，我咁为食当然系拣咗6 sides ▪️Brunch Board 6 Sides $ 283🍞▪️Bakery 面包~Lemon Danish Loaf Bread 柠檬丹麦面包~Sourdough 酸种包~Mixed Seed Whole Wheat Bread 混合种子麦包基本上所有面包都非常好食，都系即刻烘同埋已经搽咗牛油，三只面包当中我最喜欢柠檬丹麦面包好松脆带点点柠檬香，另外酸种包一向系我嘅心头好，钟意佢特有嘅味道同埋好烟靭
假期最后一日一定要出去揾好嘢食，Ninety’s 已经book mark咗好耐，都系非常人气嘅餐厅，今朝早早就嚟到位于尖沙咀星光行诚品里面嘅分店，希望可以坐到窗口位，餐厅开10am 我10:15到，已经有两台客人坐咗系窗口位，好彩仲有位俾我，迟多10分钟就冇喇。
今日虽然天气好差，外面一直落雨，不过能够坐到窗口位，呆呆望住出面街，食Brunch食足两个钟头，无无聊聊都系一件快乐嘅事。
介绍吓呢度嘅Brunch Board 有4-6 Sides 可以选择，价钱由$128～$188，贵价食材是额外需要加钱，面包有四款可以拣，仲系无限refill，对于面包控嘅我就最开心，我咁为食当然系拣咗6 sides
▪️Brunch Board 6 Sides $ 283
🍞▪️Bakery 面包
~Lemon Danish Loaf Bread 柠檬丹麦面包
~Sourdough 酸种包
~Mixed Seed Whole Wheat Bread 混合种子麦包
基本上所有面包都非常好食，都系即刻烘同埋已经搽咗牛油，三只面包当中我最喜欢柠檬丹麦面包好松脆带点点柠檬香，另外酸种包一向系我嘅心头好，钟意佢特有嘅味道同埋好烟靭，麦包都相当唔错，有粒粒嘅种子好有口感。
🍽▪️6 Sides
🥚~Black Truffle Scrambled Eggs 黑松露炒蛋
好大份嘅一个炒蛋，炒得好滑，加咗黑松露酱
非常香浓嘅味道，配上炒蛋系绝配
🌽~Fried Polenta 炸粟米饼
口感比较特别嘅粟米饼，初初我见到炸以为系脆嘅，实物原来系好似粟米糕咁，底部既酱汁系好似茄汁咁，几得意几特别
🥑🍓~Strawberry avocado salad
士多啤梨牛油果沙律
最钟意呢个配搭，简单新鲜就是美味，牛油果打成酱好滑有点点柠檬香，加埋新鲜嘅士多啤梨，冇得输嘅配搭
🧀~Burrata cheese 布拉塔芝士
我是芝士控，最钟意食呢只芝士，新鲜水牛芝士加咗少少橄榄油少少海盐已经超级好食，呢度仲要加咗少少金箔喺面头，同埋食到系带有少少甜甜地，为芝士增添味道，超级钟意
🍧~Mousse coconut yogurt 椰子慕丝乳酪
呢个乳酪简直系惊喜，一食落去有好浓嘅椰子香，酸酸甜甜，乳酪质感同一般唔同，就如佢个名所讲，喺Mousse 咁，食落口就好似一阵风咁，但系味道好浓厚，面头铺咗一嚿细细嘅麦芽糖同埋食用花，又靓又好味😋
🥙~Homemade Salmon Rillettes 自制三文鱼酱
三文鱼酱食到好香嘅香草同埋洋葱味，三文鱼仲一啲都唔腥，而且酱做得好幼滑但又仍然保留有粒粒三文鱼嘅口感，用嚟查面包一流
☕️▪️Flat White Fruity $ 42
非常高质素嘅一杯咖啡，首先拉花令人开心，咖啡旁边配上几粒杏仁，咖啡师说先食杏仁再饮咖啡，会令到咖啡嘅味道更加突出，果然咖啡底味更加浓厚👍🏻
✨特别想一提嘅系店员非常Friendly
不停会留意住你有啲咩需要，另外会
问你够唔够饱需唔需要添加面包，非
好的服务态度。
张贴
