唐源

营业中

休息中

下昼三点去到系大埔既Goldy Cafe食下午茶。一入到去首先见到环境好整洁，光线都好充足。可以拣坐对住落地玻璃既单排枱櫈，又可以拣普通枱。餐牌上面既食物都有足够选择，有三文治，意大利饭/意粉或者All Day Breakfast。今次我地两个人食，就叫咗一个杂菌蘑菇烩意大利饭，同埋Beef Steak既All-day big breakfast。饮品就系可口可乐同埋double espresso。Espresso 既香味系侍应运紧过黎已经闻到，饮落亦浓郁，口感顺滑。至于食物方面，risotto 虽然要等耐少少时间，但系味道好唔错，汁既味道同菌菇好夹，超级creamy。米饭既质地亦都唔会太过软身，有足够咬口。All-day breakfast 卖相极之吸引，两双煎蛋煮得好好。牛扒方面亦有跟足order既medium，味道肉汁鲜嫩，唔会有血水。跟住早餐既牛角包亦都好松软。其他配菜例如薯仔、蘑菇、车厘茄同埋茄汁豆都系水准之上。最后系bar枱下既各款甜品卖相都好吸引，冬甩或者muffin都系饭后甜品既好选择，大家下次可以一边饮咖啡一路品尝各类蛋糕及甜品。