DKLM Bar & Restaurant (已結業)

放工后想揾一个地方可以食dinner又可以同三五知己chill下，所以就黎到位于金巴利街嘅DK Bar。虽然系尖沙咀好随意都可以揾到间bar restaurant ，不过呢度嘅好处就系环境比较悠闲，唔会有好嘈嘅音乐，反而系岩几个朋友饮野倾下计咁，好自在。唔算太肚饿，所以主要就点左几个小食同cocktail。DK Bar有任食虾片，脆卜卜又大块，店员都主动fill到好满，我地一晚差唔多食左三四兜...🙈粗直炸薯条（加黑松露酱$10 ）🍟炸薯条新鲜热辣辣，外皮好脆仲见到有啲番薯皮痴住，酱汁分别有黑松露酱同茄汁，个人觉得黑松露酱虽然好香浓，不过都系点返传统茄汁衬啲。水牛鸡翼🍖水牛鸡翼卖相好靓，面头再加左啲烧汁，炸粉唔会好厚，旁边嘅酱无点过，因为鸡翼本身已经好够味。卤水鸭舌(原味)👅要数到伴酒嘅小食一定会谂到卤水鸭舌。卤水好入味，份量都多，最紧要方便食，倾下饮下酒好快就清晒碟鸭舌。饮品方面就嗌左一杯cocktail 同 一杯shooter ， 佢地嘅signature cocktail都好多选择。餐厅happy hour去到9点，随即都会有live show听，以后放工叉叉电又多一个选择。