影片
更多
2022-10-27
324 浏览
唔系第一次嚟帮衬喇，之前嚟食过lunch同dinner，今日又有机会旧地重游，喺度食个lunch。虽然上次食lunch已经1年几前，不过餐牌好似冇乜转变。朋友点咗牛油果慢煮鸡肉墨西哥卷，而我就食蘑菇手打意粉，lunch special系主食+20，可点部分咖啡饮品，而我哋就嗌咗Dirty。甜品我哋拣咗热情果戚风蛋糕同冧酒提子焦香芝士饼。朋友话牛油果慢煮鸡肉墨西哥卷睇落去已经觉得好食，虽然事后佢冇特别评语，但相信应该系同佢预期差唔多。蘑菇手打意粉的酱汁好浓稠，啱我的口味，我钟意rich sauce，意粉挂汁后香浓咊美，而意粉里面的蘑菇份量都几可观，所以每啖意粉都夹杂住好多蘑菇片，好满足。虽然整碟意粉的份量唔算好大，但够饱。Dirty 上到台已冇咗层次，之后见到另一张台食客点咗，而佢果杯就好清晰分明，唔知系咪我哋果2杯摆咗一阵先上台的缘故呢？不过，Dirty味道唔错，咖啡nutty，味浓，亦带香味，饮落凉凉的，好提神。热情果戚风蛋糕感觉轻怡，有软绵绵又轻飘飘的感觉，蛋糕上面有几粒热情果籽，咬落去就有啲硬，不过可能会有人觉得脆卜卜几特别既。我唔系好食到蛋糕的热情果味，但整体嚟讲，如果想食甜品
朋友点咗牛油果慢煮鸡肉墨西哥卷，而我就食蘑菇手打意粉，lunch special系主食+20，可点部分咖啡饮品，而我哋就嗌咗Dirty。甜品我哋拣咗热情果戚风蛋糕同冧酒提子焦香芝士饼。
朋友话牛油果慢煮鸡肉墨西哥卷睇落去已经觉得好食，虽然事后佢冇特别评语，但相信应该系同佢预期差唔多。
蘑菇手打意粉的酱汁好浓稠，啱我的口味，我钟意rich sauce，意粉挂汁后香浓咊美，而意粉里面的蘑菇份量都几可观，所以每啖意粉都夹杂住好多蘑菇片，好满足。虽然整碟意粉的份量唔算好大，但够饱。
Dirty 上到台已冇咗层次，之后见到另一张台食客点咗，而佢果杯就好清晰分明，唔知系咪我哋果2杯摆咗一阵先上台的缘故呢？不过，Dirty味道唔错，咖啡nutty，味浓，亦带香味，饮落凉凉的，好提神。
热情果戚风蛋糕感觉轻怡，有软绵绵又轻飘飘的感觉，蛋糕上面有几粒热情果籽，咬落去就有啲硬，不过可能会有人觉得脆卜卜几特别既。我唔系好食到蛋糕的热情果味，但整体嚟讲，如果想食甜品又唔想有太大的罪咎感，咁戚风蛋糕就系一大推介。
冧酒提子焦香芝士饼入口已有酒香，好吸引，芝士饼软滑，而焦香的部分焗得香之余又唔若，几好食，值得试下。
餐厅的环境同布置干净利落，侍应服务勤快，上菜亦够快。喺工作天嚟呢度食个lunch，都可以叉叉电。最后，我都几钟意呢度的咖啡，比附近Noc平少少，仲好饮啲添。
张贴
