影片
更多
2023-01-12
258 浏览
依家开多左wine bar，作为wine lover，我自己系钟意既，正正自己钟意，更加知道wine bar系难做既，举例：翻枱问题，开一支红酒，加埋唞气时间，随时坐你几个钟 。所以好考wine bar揾d咩酒，最好唞气时间短，而且d酒又唔可以太大路，饮大路酒就系屋企自己开啦😂同vitis倾开，其实佢有关顾呢点，我都好期待过一排再黎会再试到新既得意野。另一点，除左饮，佢地仲配左多款小食，仲mark住可以配咩酒，你可以叫一支酒，再叫配合既小食；又可以拣左小食先，再逐杯酒叫黎试。非常弹性入返正题，讲返试左咩酒同野食先第一支，Ettore Germano Langhe Nascetta 2019闻到百里香，柠檬，柑橘，矿物等香气。入口清爽，柠檬，青苹果，菠萝，带少许香草类香料味。配两款小食，Japanese Smoked Chicken Prosciutto同sautéed shrimps。两样都好食，都夹支酒，食完再饮系会减少酒既酸度，提升左果味，菠萝，stone fruit 系呢个时候就好岀。尤其Japanese Smoked Chicken Prosciutto，我觉得呢款必试，酒会加
依家开多左wine bar，作为wine lover，我自己系钟意既，正正自己钟意，更加知道wine bar系难做既，举例：翻枱问题，开一支红酒，加埋唞气时间，随时坐你几个钟 。所以好考wine bar揾d咩酒，最好唞气时间短，而且d酒又唔可以太大路，饮大路酒就系屋企自己开啦😂同vitis倾开，其实佢有关顾呢点，我都好期待过一排再黎会再试到新既得意野。另一点，除左饮，佢地仲配左多款小食，仲mark住可以配咩酒，你可以叫一支酒，再叫配合既小食；又可以拣左小食先，再逐杯酒叫黎试。非常弹性
入返正题，讲返试左咩酒同野食先
第一支，Ettore Germano Langhe Nascetta 2019
闻到百里香，柠檬，柑橘，矿物等香气。
入口清爽，柠檬，青苹果，菠萝，带少许香草类香料味。
配两款小食，Japanese Smoked Chicken Prosciutto同sautéed shrimps。两样都好食，都夹支酒，食完再饮系会减少酒既酸度，提升左果味，菠萝，stone fruit 系呢个时候就好岀。尤其Japanese Smoked Chicken Prosciutto，我觉得呢款必试，酒会加深左佢既smoke，香草味，呢个组合真系可以一试！
第二支，Casella Schioppettino di Prepotto 2015
Schioppettino，一款意大利既原生葡萄，少见既，又有新野试🤤
闻到红果酱既香甜，加d橡木香
入口充满士多啤梨，红苺果酱味，tannin偏柔和，好女性化既一支酒，我老婆系好钟意佢😂
配食Grilled Halloumi Cheese。
个cheese偏咸，所以要配埋青瓜同蕃茄仔食，中和返。食完再饮，会feel到个橡木香味突岀左
第三支，Decoy Cabernet Sauvignon 2019
是日三支酒，呢支个人最喜欢，一支各方面都好平衡既一支酒。
闻到好香好warm既blackberry，blackcurrant 香，再加vanilla ，甘草，胡椒香。
入口充满黑果味，唔爆，柔和既，带朱古力，vanilla，甘草，结尾加点胡椒香。
放多15分钟，已经feel到甘草vanilla等味再岀左🤤
配食～汉堡
呢道小食未放入menu，黎紧会有
D小食我系最like呢款，个酱汁配肉食好正，肉好soft，有肉味😂
可能大家见到汉堡未必会叫，不过呢款又系真心可以一战！
张贴
